"हामी पानीघट्टा बगान कुनै पनि हालतमा खोल्न चाहन्छौं यदि कसैले राजनीतिको फायदा उठाइ षड्यन्त्र रचेर पानीघट्टा बगान खोलाउँने हाम्रो प्रयासमा बाधा पुर्याउँन चाहन्छ भने त्यो सहन हुने छैन"सचित गहतराजगोरामुमो केन्द्रीय नेता ।
"हामी पानीघट्टा बगान कुनै पनि हालतमा खोल्न चाहन्छौं यदि कसैले राजनीतिको फायदा उठाइ षड्यन्त्र रचेर पानीघट्टा बगान खोलाउँने हाम्रो प्रयासमा बाधा पुर्याउँन चाहन्छ भने त्यो सहन हुने छैन"
सचित गहतराज
गोरामुमो केन्द्रीय नेता ।
बिगत १० अक्टोबर २०१५ देखि बन्द भएको पानीघट्टा चियाबारी यहाँको चारैवटा पार्टी क्रमश: गोरामुमो, भागोप्रमो, गोजमुमो र तृणमूल कांग्रेसको ट्रेड युनियनहरुद्वारा गठित पानीघट्टा बगान संचालन समितिको अथक प्रयास अनि जोइन्ट लेबर कमिशनर साथै पश्चिम बंगालको श्रम मन्त्रीको चासोले गर्दा चाँडै बगान खोलिने आशा छ । मालिक पक्ष, सरकार पक्ष र बगान संचालन समितिको बैठक बसिसकेको छ, चारैवटा ट्रेड युनियनले बगान खोल्नु पर्छ भनेर श्रम मन्त्रीलाई बिन्ती पत्र पठाइ सकेको छ अनि यसै सिलसिलामा मालिकपक्षद्वारा पानीघट्टा बगान भ्रमण पनि भैइसकेको छ ।
पानीघट्टा चिया बगानको श्रमिकहरुको हितलाई ध्यानमा राखेर नै बगान संचालन समितिले कार्य गर्दैछ । कुनै पनि राजनैतिक पार्टीको स्वार्थलाई बगान संचालन समितिले अहिले महत्व दिएको छैन । अहिले महत्व केवल श्रमिकहरुको हितलाई दिइएको छ । यसैले कसैले पनि यस्तो कार्य नगरिदिनु होला की जुन कार्यले गर्दा बगान खोल्ने हाम्रो प्रयासमा बाधा पुगोस् । बगान खोल्ने हाम्रो प्रयासमा यदि कसैले पनि बाधा सृष्टी गर्छन् भने त्यो पटक्कै सहन गरिने छैन ।
पानीघट्टा बाहिरबाट आएर पानीघट्टा बगानको माहौल बिगार्ने प्रयास हुँदैछ । टूल्ठूला नेता र नेत्रीहरु आएर जनताको हितलाई दमन गर्दै नेताहरुको हितलाई सहयोग पुर्याउँने काम हुँदैछ । यहाँको ट्रेड युनियनको नेतृत्वहरुलाई महत्व नदिएर बाहिरबाट नेताहरु भाडामा ल्याउँने काम हुँदैछ । बगान मालिकलाई पानीघट्टा बगानमा पस्न नदिने षड्यन्त्रहरु रचिन्दैछ । पानीघट्टा बगानलाई फेरि पनि २-४ जनाले आफ्नो स्वार्थपूर्तिको लागी आफ्नै नीजी बगान जस्तो चलाएर आफ्नो खल्तीमात्र भर्ने सपना देख्दैछ । हामीलाई यो स्वीकार्य छैन अनि कुनै पनि हालतमा स्वीकार्य छैन ।
पानीघट्टा बगान कुनै पनि हालतमा यथाशिघ्र खोलाउँनु पर्छ भनेर गोरामुमो, भागोप्रमो, गोजमुमो र तृणमूल काग्रेसका स्थानीय ट्रेड युनियन नेतृत्वहरुले पश्चिम बंगालका श्रम राज्य मन्त्री श्रीमान बेचरम मन्नालाई पत्रचार पनि गरिसकेको छ जसको कपी डिएम दार्जीलिङ र जेएलसी लाई पनि दिइएको छ । अब यसको उप्रान्त पनि केही ब्याक्तिहरुले राजनीतिको फायदा उठाएर बगान खोल्नमा बाधा पुर्याउँछ भने भोली उनीहरुले जनताको आक्रोसको सामना गर्नु पर्नेछ । हामी चारैवटा पार्टीको स्थानीय नेतृत्वहरु एक छौं । हाम्रो एकता नै हाम्रो शक्ति भएको छ । यसैले सकरात्मक सोंच राखेर बगान खोल्ने हाम्रो प्रयासमा सहभागी बनिदिने हामी सबै सबैलाई विनम्र निवेदन गर्दछौं ।
Comments
Post a Comment