दोकान डाँडा, वार्ड नम्बर २० मा खरसाङ नगरपालिकाका उपाध्यक्ष सुवास प्रधानलाई सम्बर्द्धना

दोकान डाँडा, वार्ड नम्बर २० मा खरसाङ नगरपालिकाका उपाध्यक्ष सुवास प्रधानलाई सम्बर्द्धना

" खरसाङ नगरपलिकालाई उच्च कोटीको नगरपालिका बनाउनु नै हाम्रो मुख्य उद्देश्य रहेको छ।" सुवास प्रधान, उपाध्यक्ष, खरसाङ नगरपालिका 

दोकान डाँडा स्थित सामाजिक भवनमा आयोजित एक कार्यक्रममा वार्ड नम्बर २० का पार्षद साथै खरसाङ नगरपालिकाका नव नियुक्त उपाध्यक्ष सुवास प्रधानलाई वार्डवासीले बधाई साथै सम्मान जनाए। वार्डवासीको मात्र पार्षद नभएर अब सम्पूर्ण खरसाङ नगरपालिका कै उपाध्यक्ष हुनु वार्डवासीको निम्ति गर्वको कुरा हो। श्रीमती रेणु रुम्बाले वार्डवासीको तर्फबाट बधाई पत्र चढाउँदै भनिन्।

कार्यक्रममा सुबास प्रधान मुख्य अतिथिको रूपमा उपस्थित थिए।

मुख्य अतिथि को आसन बाट सभालाई सम्बोधन गर्दै सुवास प्रधान ले भन्नु भयो, " प्रथम २० नम्बर वार्ड वासीलाई धन्यवाद। नगरपालिकाको उपाध्यक्षको पद केवल गरिमामय पद नभएर ठूलो चुनौती पूर्ण पद रहेको छ। खरसाङ नगरपलिकालाई उच्च कोटीको नगरपालिका बनाउनु नै हाम्रो मुख्य उद्देश्य रहेको छ। नगरवासीले पाउनु पर्ने मूलभूत सुविधाहरु लाई हामी कुशल पुर्वक व्यवस्था गर्ने दिशा तर्फ काम गर्न लागेका छौ। हाम्रो एउटै मन्त्र छ खरसाङ नगरपालिका का वासिन्दाले दुःख पटक्कै नपाओस्। खरसाङ शहर सफा सहर बनोस।"

सभालाई सम्बोधन गर्दै श्री एल डी मोक्तान, एक वरिष्ट नागरिक साथै डाँडा गाउँ समाजको सल्लाहकारले भन्नु भयो, " खरसाङ नगरपालिकाको उपाध्यक्षको पद गरिमामय पद हो। यो पदमा आसीन हुनु सजिलो चाहिँ होइन। गोर्खा जनमुक्ति मोर्चाका महा सचिव साथै भूतपूर्व जी टी ए अध्यक्ष श्री अनित थापाको समाज अनि व्यवस्था प्रतिको सोच को परिणाम स्वरूप हामीले नगरपालिका मा सामूहिक नेतृत्व मा विश्वास राख्ने अध्यक्ष अनि उपाध्यक्ष पाएका छौ। अनित थापा प्रति  हामी आभारी छौं।"

उनले अझ भने, " सुबास प्रधान को आफ्नो मेहेनत को कारण अनि जनता ले उनलाई अनि उनको काम रुचाए र नै उनी यो पदका हकदार बनेका हुन्।उहाँको क्षमता को कारण नै उनी खरसाङ नगरपालिका को उपाध्यक्ष बनेका हुन्। उनलाई केवल वार्डवासीले मात्र माया नगरेर गोर्खा जनमुक्ति मोर्चा पार्टीमा पनि उनको ठूलो योगदान छ। साथै एक साधारण पार्षद भएर पनि उनले नगरपालिकाको प्रवक्ता जस्तो भएर विगत का दिनहरूमा कार्य गरिरहनु भएको थियो।"

खरसाङ नगरपालिका गोर्खा जनमुक्ति मोर्चा पार्टी अधिनस्थ नगरपालिका हो। १० जूनको दिन खरसाङ नगरपालिकामा नयाँ अध्यक्ष अनि उपाध्यक्षले कार्य भार सम्हालेका छन। अध्यक्षको पदमा श्री ब्रिगेन गुरुङ हुनुहुन्छ।